AMYNTAS II. Menelai

AMYNTAS II. Menelai

vel Tharralei fil. quartus Macedoniae Rex. Occiso insidiis Pausaniâ, regnum invasit, donec ab Illyricis eiectus ac spei recuperandi regni renuntians, donatâ Olynthiis finitimâ regione, paulo post a Theslalis in regnum restitutus est. Cum Illyriis et Olynthiis, Lacedaemoniorum auxiliô nixus, rem. gessit. Monitus a filia Euryone, sibi ab uxore Eurydice perniciem imminere, sibi prospexit, obiitque decrepitus. An. regni 24. Ex priore coniuge Alexandrum, Perdiccam, et Philippum Alexandri M. patrem; ex posteriore autem Archelaum, Aridaeum, et Menelaum genuit, sed Philippus, amoris erga fratres oblitus, eos trucidavit, atque ita patri in regno successit. Iustin. l. 7. c. 4. Diodor. Sic. l. 14. 15. Xenoph. l. 5. Nepos et Plut, in Pelopida.